بسم الله الرحمن الرحيم
هنشرح تركيب الترس الخلفى للموتسيكلات الصينى
طريقة التركيب بتتقسم لطريقتين
الطريقه الأولى فى الترس ال بيركب على جلب فلانشه مثل دايو 4
الثانيه الترس ال بيركب على جلد فلانشه مثل الهوجن 3
هنشرح الطريقه رقم واحد
هنبداء أولا بفك الجنط من الموتسيكل
هتلاقى فوق الترس تيله على شكل ورده كبيره مفتوحه وفيها فتحتين صغيرين من كل طرف
هنخلع التيله بواسطة بنسة تيال ( زراديه ) ولو معندكش بنسة التيال ممكن تخلعها بمفك يكون سنه رفيع بتحط المفك فى فتحة التيله وتشد للخارج وفى ايدك الشمال مفك عاده تضعه بين التيله والجنط وتخرج التيله بالمفك من مكانها جزء بجزء لحد متوصل لنهايتها
فى الصوره الجايه وصف لمكان التيله على الترس
بعد ما بنخرج التيله من مكانها هنلاقى ورده أو اتنين بتخلعهم بكل سهوله ونخرج الترس القديم ( بنشد الترس لبره أو بنضع تحته مفك مع الشد للخارج ) بعد ما بتخرج الترس بتلاقى أربع مسامير غالبا بتكون الصاموله بتاعتهم مقاس ١٤
لو المسامير بتاع المكنه الاصليه بنفكهم ونربطهم فى الترس الجديد لو مسامير عاديه فى ستين سلامه هم والترس القديم وبتجيب طقم مسمار جديد مع الترس وبتربطهم فى الترس جامد على قدر ماستطعت بس ما يكونش صحتك حلوه وتربط لحد ما تمط الحديد
يعنى انت بتربط والمسمار بيتمزع من بعضه بدون ما تحس لو ربط بالطريقه دى المسمار يتكسر وانت ماشى على الطريق
طبعا علشان تربط جامد لازم تمسك الترس على منجله علشان تقدر تتحكم فى الرباط
ولو معندكش منجله بتحط الترس فى مكانه فى الجنط بدون وضع التيله وبتضغط عليه ب ايدك الشمال وتربط باليمين
الجنط بيساعدك انك تتحكم فى قوة الربط يمكن يكون أفضل من المنجله فى المهمه دى
وطبعا لو عاوز تفك المسامير بنفس الطريق ( بنرجع الترس مكانه فى الجنط بدون وضع التيله ونفك )
فى الصوره مكان المسامير على الترس
بعد ما نخلص ربط المسامير ونتأكد ان الجلب بتاع الجنط سليمه تماما ( الجلب هى مكان دخول المسمار فى الجنط )
لم تلاقى كل شىء تمام بتنضف مكان شغلك على الجنط وبترجع الترس مكانه وبتحط الورده فوقه وبتحط التيله مكانها وترجع الجنط فى مكانه وتشد على رباط الصاموله كويس
وبكده كل شىء تمام
وطبعا بتجرب الفرامل قبل ما تجرى بالمكنه
ليست هناك تعليقات:
إرسال تعليق