بسم الله الرحمن الرحيم
لأول مره على النت شرح تظبيط تاكيهات الموتوسيكلات
من أجل أعضاء صفحتنا الكرام
صيانة الموتسيكلات
هنحتاج فقط لمفتاح واحد مقاس 10
بصرف النظر عن أشكال المفاتيح المتعدده المهم المقاس و جودة المفتاح علشان نحافظ على المسامير
هنداء أول خطوه
بعد ما نتأكد ان الماتور بارد تماما
عملا بنظرية ان الحديد من المعادن والمعادن تتأثر بالحراره
وكمان علشان نحافظ على أماكن المسامير من التلف بسبب الفك والربط أثناء حرارة المعدن
هنفك أولا مسامير وش التاكيهات ومكانها فى أعلى رأس الماتوركما مشار اليها فى الصوره
بعد فك وش التاكيهات هيظهر أمامنا من الداخل بالشكل ده
هتلاقى صامولتين مقاس 10 ظاهرين أمامك واحده على شمالك وواحده على يمينك
مكان الصامولتين مشار اليهم فى الصوره دى
هنفك الصامولتين بمفتاح 10 ونسيبهم معلقين
ونحرك المنفله هتلاقى الصامولتين بيتحركوا للأعلى والأسفل بحيت يكون صباب البنزين مغلق وصباب العادم مفتوح والعكس
صباب العادم بيكون تجاه الشكمان وصباب البنزين بيكون اتجاه الكربيراتير
ودى صورة الكربيراتير وطبعا كلنا عارفين الشكمان
طيب نظبطهم ازاى
هنحرك المنفله بالراحه بواسطة اليد لحد ما يكون الصباب بتاع البنزين للأعلى وصباب العادم مضغوط للأسفل وبتبداء تربط المسمار ال فكيت من عليه الصاموله
لحد ما يتقابل مع رأس الصباب
خلى الاتنين يدوب لمسين بعض فقط واربط الصاموله تانى
وبعدين حرك المنفله بنفس الطريقه لكن العكس خلى صباب العادم لفوق وصباب البنزين لتحت ونفس الشىء اربط المسمار لحد ما يلامس رأس الصباب واربط الصاموله
ودى صوره بتوضح مكان تلامس الصباب والتاكيه
رقم واحد صباب العادم
رقم اتنين صباب البنزين
وبعد كده
شغل المكنه لو اشتغلت معاك مظبوطه وصوتها مظبوط يبقى كده تمام
ولو لقيت فى صوت كرر نفس الطريقه بس اربط المسمار زياده بمقدار لفه أو نص لفه على حسب الحاجه بلاش تربط المسمار بشده لازم يكون متلامس فقط أو فرق بينهم بمقدار شفرة موس موضوعه بينهم
لو كل شىء تمام والصوت ظبط والمكنه صوتها طبيعى بتقفل المسامير بتاع وش التاكيهات من تانى وتشغل المكنه لمده خمس دقايق سرانسيه وتلاحظ صوت الماتور
لقيت الصوت ثابت مفيش تقطيع يبقى كده تمام لو لقيت فى تقطيع تظبط الهوا بتاع الكربيراتير
وأخيرا تزويده بنزين لأخر البكره واركب المكنه بعد كده براحتك
وطريقة التظبيط بتختلف من ميكانيكى لأخر
فى ناس بتظبط بطريقه تانيه لكن دى أسهل طريقه
ان شاء الله تفيدكم
انا هربط الصباب اللي نازل والا اللي طالع وشكرا
ردحذفأزال المؤلف هذا التعليق.
ردحذفشرح جميل بس ده ينفع للتوكتوك شكرا
ردحذف