بسم الله الرحمن الرحيم
هنتكلم عن شىء صغير فى الموتوسيكل وبيعتمد عليه أى ماتور أثناء العمل
وهو البوجيه أو ( شمعة الشرر )
نسبة الأعطال على الطريق من البوجيه (الشمعه) تقدر بحوالى 80 % من الأعطال
دى صوره للبوجيه المحترق والسليم
فى ناس بتحسب ان احتراق البوجيه من خلال اللون أو الرائحه
لكن احتراق البوجيه بيكون بسبب ضعف القطب الموجب وعدم نقل الشرر بانتظام الى القطب السالب
ودى صوره بتوضح القطب السالب والموجب
طريقة عمل البوجيه يقوم بنقل شراره كهربائيه تساعد على اشتعال البنزين داخل الاسطوانه مما يؤدى الى انفجار داخلى أثناء الاحتراق مع قوة ضغط الهواء من خلال البستم فيؤدى الى حركه مستمره للحدافه وتسمى دوران الموتور
وكلما زادت كمية البنزين المحترق كلما تضاعفت القوه مما يؤدى الى حركه شديده تتسبب فى توليد الطاقه اللازمه لحركة الموتسيكل
معنى الكلام ده ان البوجيه من الأساسيات فى حركة الموتور
وضعف البوجيه يؤدى الى خلل فى أداء الموتور يعنى علشان تاخد جهد عالى وكفاءه مناسبه يبقى لازم يكون البوجيه سليم 100 %
طيب كلام سليم وزاى الفل بس ازاى أعرف ان كان البوجيه سليم أو بايظ أو ضعيف
أولا بتقوم بفك البوجيه من رأس الماتور بواسطة مفتاح بوجيه
كما فى الصوره
وطبعا بيختلف شكل المفتاح على حسب نوعه
بعد الفك
نضع البوجيه فى البيبه الموصله للكهرباء من الموبينه ونضغط على المرش أو على المنفله والكونتاك مفتوح
وتلاحظ مرور الشراره بين الأقطاب
كما فى الصوره
لو لقيت الشراره شديده وتمام بتلاحظ المسافه بين القطبين السالب والموجب ودى بنسميها نسبة الخلوص
تابع الصوره
لازم نسبة الخلوص بينهم تكون محسوبه
يعنى لازم القطب السالب يكون مستوى مفهوش ميول للداخل ولا للخارج
يعنى القطب السالب ميكونش مقفول على الموجب ولا يكون مفتوح زياده عن حدوده
بيكون بالشكل ده بعد ما يستعمل فى الموتوسيكل
ودى صوره لوضع الأقطاب وضبط مسافة الخلوص بينهم
لو لقيت الشراره سليمه وبتمر بين الأقطاب ونسبة الخلوص مضبوطه يبقى كده البوجيه سليم
ولو كانت الشراره ضعيفه ونسبة الخلوص مقفوله أو مفتوحه يبقى كده البوجيه ضعيف ويمكن ضبطه
لكن لو لقيت الشراره معدومه أو بتضرب فى جسم البوجيه من الداخل
يبقى كده البوجيه بايظ ويجب تغييره
ليست هناك تعليقات:
إرسال تعليق