طريقة تشغيل بطارية الموتوسيكل المعطله من جديد
بتكلفة 2 جنيه مصرى لاغير
أولا بتفك البطاريه من الموتوسيكل وبتفضى السائل منها
وتسيبها مقلوبه باتجاه الأسفل حوالى عشر دقايق أو ربع ساعه
وفى الوقت ده تكون جهزت كميه حوالى 2 لتر مياه بتغلى
وتملى كل فاتحه فى البطاريه بالماء المغلى وتفضيهم وتكرر العمليه أكتر من مره
هتلاقى المياه المغليه بتنزل لونها أسود كرر الغسيل أكتر من مره لحد ما تلاقى لون المياه نازل نضيف مفهوش شوائب
أو يكون فيه شوائب بسيطه عن الأول يعنى مش لازم تكون اتغسلت جامد أوى لانك مش هتقدر تنضفها نهائيا من الشوائب
وبعد كده بتسيبها تصفى المياه لأكتر وقت ممكن وتقدر تصفى البطاريه وتكمل علطول لكن كل ما تنشف كويس من المياه يكون أحسن
وبعد ما تنشف البطاريه بتملى كل ربع بالسائل ( مية النار ) لحد أول علامه
ودى صوره بتوضحلك علامات ملىء البطاريه
وأول علامه بتملى لحدها رقم واحد فى الصوره
بعد اكتمال كل الفتحات بالسائل لحد العلامه الأولى
بتجهز مياه من الحنفيه بشرط تكون مر على تخزينها على الأقل 3 ساعات علشان تكون اتبخر منها جميع المواد المضافه لها علشان عمليه التكرير
وبتكمل كل ربع فى البطاريه لحد العلامه رقم 2 من المياه المخزنه
وبتربط البطاريه فى مكانها على الموتسيكل وتشغل الموتسيكل أكتر فتره ممكنه
وان شاء الله هتلاقى البطاريه رجعت تعمل بكفاءه
وربط البطاريه سهل جدا هتلاقى علامة سالب وعلامة موجب
بتربط السالب فى السلك المربوط فى جسم المكنه وبيكون باللون الأسود وتربط الموجب فى السلك الخارج من ضفيرة السلوك وبيكون باللون الأحمر
ودى صوره بتوضحلك السالب والموجب
نسبة نجاح الطريقه دى 90 % المهم انك تلحق البطاريه أول ما الكهربائى يقولك انها باظت ومحتاجه تتغير هتجرب الطريقه دى قبل التغيير وتكلفتها 2 جنيه مصرى فقط ثمن سائل مية النار
ليست هناك تعليقات:
إرسال تعليق