كيفية اختيار الزيت المناسب للموتور والتأكد من جودة الزيت

كيفية اختيار الزيت المناسب للموتور والتأكد من جودة الزيت 

أولا ازاى نتأكد من جودة الزيت

طبعا الكل عارف ان فى زيت مغشوش  والغش فى الزيت  عباره عن شخص بيجيب كميه كبيره من الزيت الرخيص جدا ويخلطه بقليل من الزيت الغالى ويعيد تعبئته  وده  ال انا  اكتشفته  مع تعدد أنواع الزيت  مش عارف فى أنواع  تانيه للغش ولا لا

المهم تخلو بالكم عند فتح الزجاجه تتأكد انها  مقفوله جيد جدا ومفيش لعب فى الغطاء الداخلى أوالخارجى

ثانيا ودا المهم  نضع القليل من الزيت على أى ورقه لونها أبيض ونلاحظ اللون تتأكد ان لون الزيت مائل للذهبى ومفهوش أى  ميول للون الأحمر أو الأخضر 

بيكون اللون قريب جدا من لون زيت الكرستال ال كلنا عارفينه وفى نفس النقاء لكن على  أثقل  بقليل

 الزيت الردىء بيكون مائل للون العسلى مع الأخضر الداكن 
أوللون الأسود وده بيكون مضاف اليه زيت مستعمل 

أو الاحمرار الخفيف

بالظبط  زاى لون السولار 

بعد اختيار الزيت  بنغير الزيت للماتور عادى  بالطريقه المعروفه

وهنا طريقة لتغيير الزيت 

أفضل طريقه لتغيير زيت الموتور فى الموتوسيكلات الصينى

ونتأكد ازاى ان نوع الزيت صالح للمكنه وتستمر عليه ولا تغيره بنوع تانى أفضل

  بتحس ان صوت المكنه بداء يتغير أوتقرب ودنك  للموتور شويه هتسمع صوت احتكاك التروس ببعض والصوت بيزيد  كل يوم عن ال قبله أو الماتور بيسخن بطريقه عاليه عن السابق وكل ده  مبيظهرش غير بعد ما المكنه تمشى 100 كيلو منفصله بعد الغيار أو تدور ساعه متواصله بدون راحه  هنا  بيبداء يظهر عيوب الزيت

لو لقيت  أى مشكله من المذكوره بتغير نوع الزيت وتختار نوع تانى  حتى لو كان من أجود الأنواع

وسامحونى لو قصرت فى الشرح  انتو عارفين ان الحاجات دى صعب شرحها شويه لكن بحاول ابسطلكم الأمور بقدر المستطاع

ولو فى حد عنده أى سؤال بخصوص الموضوع يتفضل يسأل