معنى ضبط هواء الكربيراتير وطريقة الضبط الصحيحه فى الموتوسيكلات الصينى

معنى ضبط هواء الكربيراتير وطريقة الضبط الصحيحه فى الموتوسيكلات الصينى



أولا يعنى ايه ضبط هوا

طبعا كلنا عارفين ان موتور الموتوسيكل يعمل بالطاقة الناتجه عن اشتعال البنزين  والبنزين يحتاج الى الأكسجين كى يشتعل وضبط الهوا يعنى ضبط نسبة الاكسجين التى تساعد البنزين على الاشتعال .....

أسهل طريقه لضبط الهوا كالتالى

توقف المكنه سلانسيه 
وتغلق صمام الهوا 
وتفتح صمام البنزين

طريقة اغلاق صمام الهوا من خلال محبس على شكل مسمار موجود أسفل الكربيراتير

مكانه كما فى الصوره

بنغلقه ازاى بنربط المسمار ده حتى النهايه 

وبكده بيكون الهوا مغلق 

بعد كده بنفتح صمام البنزين عن طريق مسمار يسمى السلانسيه موجود على جانب الكربيراتير 

كما فى الصوره

فتح صمام البنزين عكس صمام الهوا

فى الهوا الربط يعنى اغلاق لكن فى البنزين الربط يعنى فتح

يبقى بنربط مسمار السلانسيه  وبكده نكون فتحنا البنزين علشان الموتور يفضل شغال بعد قفل الهوا ميبطلش

هتلاقى صوت الموتور بقى عالى طبعا وحصل تقطيع 
بترجع لمسمار الهوا تانى لكن المره دى بتفك المسمار بمقدار لفه بلفه بهدوء ومع كل لفه تلاحظ صوت الموتور  هتلاقى الصوت بيعلى وصوته بقى متواصل مفيش تقطيع كأنك زودت بنزين 
بتسيبه وتروح لمسمار السلانسيه وتفك المسمار لحد ماتوصل لأنعم صوت للموتور وبتقف ...  وبعدين تبطل الكونتاك وتشغل تانى بدون تزويد بنزين بلمس المرش فقط لو اشتغل معاك بدون تزويد يبقى كده تمام  ولو ماشتغلش  بتربط مسمار السلانسيه تانى لفه بلفه وتجرب لحد ماتلاقى الموتور يعمل بدون تزويد بنزين يبقى كده هوا المكنه مظبوط زاى الفل ولو منجحتش ارجع لمسمار الهوا  من تانى وكرر نفس الخطوات لحد ماتوصل لصوت أفضل وسرعة دواره أسرع  يعنى كل ما المكنه تشتغل معاك من أول لمسة مرش بدون ماتزود بنزين   يبقى كده الهوا عندك مظبوط تمام


باقى متابعة المكنه لمدة يوم 
هتلاقى درجة حرارة الموتور انخفضت 
 والمكنه متبطلش وانت ماشى  أو واقف 
وكمان بتدور من أول أو تانى لمسة مرش بدون تزويد بنزين
وأخيرا بتجرب التشغيل صباحا لو لقيته سريع والمكنه بتدور بسرعه يبقى كده خلاص كل شىء تمام

لو شايف ان الشرح صعب ومش مفهوم اتركه لمختص أفضلك المهم تختار واحد يكون عارف هو بيظبط الهوا ليه

لو عجبكم الشرح تابعونا على فيس بوك
فرسان محترفون